Қытай ҚР Премьер-Министрі К.Мәсімовтің сапарын күтуде

Қытай Халық Республикасы Қазақстан Премьер-Министрі Кәрім Мәсімовтің сапарын күтуде. Бұл туралы бүгін Қазақстан-Қытай сарапшылар форумында Қазақстандағы ҚХР Елшісі Чжан Ханьхуэй мәлім етті. «Біз қазіргі уақытта көптеген келісімдерге қол жеткіздік. Өндірістік қуат бойынша биыл 40 млрд. долларға бірлескен жобалар басталды. Бұрын-соңды ешбір елдер арасында болмаған, бұл тек Қазақстан мен Қытай арасында орын алуда. Бұл біздің өзара қарым-қатынасымыздың маңыздылығын білдіреді. Біз жақын арада сіздердің Премьер-Министрлеріңіздің біздің елге ресми сапарын күтудеміз. Біз ол сапарға дайындалудамыз. Аталған сапар барысында біз тағы да жемісті жұмыстар атқарып, бірқатар маңызды құжаттарға қол қоямыз деп жоспарлап отырмыз. Мен бұл соманы 50 млрд. теңгеге дейін көтереміз деп сенемін. Өзге елдер бізге қызыға қарайды», - деп атап өтті ол.